Според податоците на Државниот завод за статистика на Холандија, годинава над 500.000 луѓе во ова земја имаат по две работни места. Оваа бројка пред две години била помала за 200.000.
Холандските синдикати велат дека сè поголем е бројот на луѓе кои мораат да најдат некаква допонителна работа, за да можат да ги подмират трошоците. „За некои луѓе, особено за помладите, второто работно место е предизвик и начин за понатамошно развивање. Но, има и луѓе кои не гледаат друг избор, освен во тоа наутро да работат една, а навечер друга работа“, изјави потпаролот на FNV унијата.
Најголем процент од луѓето во Холандија кои имаат по две работни места, се младите на возраст од 15 до 25 години. Сепак, меѓу нив има и постари кои се вработени во некоја институција или фирма, а покрај тоа имаат и приватен бизнис.
За повеќе вакви и слични информации придружете ни се во нашата фејсбук група Македонци во Германија
