Меѓу 30 и 40 лица се повредени, од кои 10 потешко, во невремето што попладнево го зафати западниот германски град Падерборн, соопштија официјални лица, пренесе ДПА.
„За време на невремето проследено со грмотевици, торнадо денеска попладне имаше патека на уништуваше од запад кон исток, минувајќи низ центарот на Падерборн, во правец на источните делови на градот“, соопшти полицијата.
Guck ma! Das in meiner Heimatstadt Paderborn. Wie aus so nem Ami-Film. Noch nie so nen krassen Tornado in Deutschland gesehen pic.twitter.com/mz2tLb8t28
— ffm_confidential (@kaininho) May 20, 2022
Официјалните лица проценуваат дека торнадото предизвика милионски штети. Во индустриска зона биле урнати покривите на магацините. Лимови, изолација и други материјали се расфрлани со километри наоколу градот, пренесува германската агенција.
Противпожарната бригада, исто така, извести за сомнително торнадо во Липштад, град на околу 35 километри од Падерборн, што предизвикало „сериозна штета“.
https://twitter.com/5fach/status/1527693068081717248
Портпаролот на противпожарната служба изјави дека насекаде има уништени покриви и паднати дрвја.
