Делумната легализација на канабисот стапува на сила според планираното на 1 април 2024 година. По Бундестагот, зелено светло за спорниот закон даде и Бундесратот. Од април консумацијата ќе биде легална – но само за возрасни и не на сите места.
Министерот за здравство Карл Лаутербах одлуката за делумно легализирање на канабисот ја нарече пресвртница. „Политиката за канабисот во последните десет години не беше успешна“, рече политичар од СПД по гласањето на Федералниот совет во Берлин. Лаутербах наведе двојно зголемување на потрошувачката кај децата и адолесцентите и двојно зголемување на смртните случаи поврзани со дрога.
Тој рече и дека црниот пазар станува се поголем. „Не можеше да продолжи така. Со години сум против легализацијата на канабисот, но истражувањата покажуваат дека овде ни треба ново решение“.
Но, усвојувањето на законот беше проследено со несогласувања, особено од сојузните републики Баварија и Саксонија. Министерот за здравство Карл Лаутербах се залагаше за законот пред гласањето, велејќи дека тоа е можност да се заштити младата генерација особено од потрошувачката и црниот пазар преку декриминализација и подобро образование. Пратеници од неколку федерални републики предупредија на легализација.
Баварската министерка за здравство Џудит Герлах го нарече законот погрешен начин. Таа рече дека законот ги става републиките под огромни дополнителни административни и извршни напори.
Министерот од Саксонија Михаел Кречмер рече дека законот не може да биде прашање на партиска политика. Ова прашање е толку централно и лично што ми беше јасно дека во никој случај нема да се согласам со легализација на дрогата, дури и ако тоа предизвикува проблеми во мојата коалиција во Саксонија.
Важни правила од новиот закон за консумирање канабис
- Во иднина, возрасните ќе можат да одгледуваат канабис приватно во ограничени количини (до три растенија) или во некомерцијални клубови.
- Преку овие Клубови, канабисот може да се дистрибуира на контролиран начин до возрасни за лична употреба.
- Поседувањето до 25 грама сушен канабис повеќе нема да биде казниво. Ова се однесува на јавни места. За приватни простории, лимитот е 50 грама сушен канабис.
- Постои општа забрана за рекламирање и спонзорство за потрошувачки канабис и здруженија за одгледување.
- Поседувањето канабис од малолетници сè уште е забрането, а постојат посебни правила за млади возрасни лица со помали количини за издавање и намалена содржина на THC.
- Забрана за консумирање канабис во пешачките зони има од 7 до 20 часот.
- Ќе се зајакне едукацијата и превенцијата од консумирање канабис.
Како да се осигура заштита на децата и младите?
Заштитата на децата и младите е клучна цел на законот. На пример, треба да бидат обезбедени со следниве елементи:
- Малолетниците сè уште не смеат да купуваат или консумираат канабис.
- Овозможувањето на консумирање на канабис на малолетници останува кривично дело.
- Канабисот не треба да се конзумира во присуство на млади луѓе. Дополнително, ќе има забрана за консумирање на повидок, на пример, училишта, детски игралишта, установи за деца и млади или спортски објекти.
- Малолетниците не смеат да станат членови на здруженија за одгледување. Само канабис со ограничена количина на THC може да им се обезбеди на членовите на возраст од 18 до 21 година во здруженијата кои одгледуваат.
- Не смее да има рекламирање на канабис или здруженија за одгледување.
- Ќе има повеќе едукација и превенција, вклучително и засилени програми за рана интервенција за малолетниците.
- Посебна превентивна и информативна кампања наменета за младите која треба да им ги објасни опасностите од консумацијата на канабис на децата и младите.
Легализација на канабисот: Што значи тоа за возачите
Возењето под дејство на дрога има правни последици во Германија. Возачите под дејство на канабис може да очекуваат казни и одземање на возачката дозвола. По усвојувањето на законот за делумна легализација на канабисот, се уште постои неизвесност во однос на прилагодувањата на лимитот на ТХЦ во сообраќајот.
Меѓу другото, експертите за сообраќајно право се за зголемување на постојната граница. Како што сега стои, едно лице се смета за несоодветно за возење ако има повеќе од 1,0 нанограми (ng) од главната активна состојка тетрахидроканабинол (THC) на милилитар крвен серум.
Политичките фракции се уште немаат дадено декларации за границите. Се чека повратна информација од таканаречената гранична комисија.
Текстот е авторска сопственост и неговата содржина не смее да се превзема во целост или делови без претходна согласност од авторот или порталот Емигрико.
