Германската амбасада во Тирана започнала кампања по весниците, во која ги предупредува потенцијалните мигранти за ризиците на кои можат да ги изложат шверцерите, пренесуваат локални медиуми.
Во шест големи весници во Албанија, кампањата е нагласена дека Германија не дава азил од економски причини. Кампањата е обид да се запре бранот од мигранти кои ја нападнаа Германија.
Според Федералната агенција за миграција и бегалци, речиси половина од барателите на азил од Албанија поднеле барањата во Германија.
Само во мај оваа година се добиени 4743 молби за азил од Албанци, а во исто време молбите од Косовците се 4319, а од Сиријците – 4224.
Според извештаи во Германија, има информации дека косовски автобуски компании кои работат во северна Албанија нудат евтини патувања со ветување дека мигрантите имаат шанса веднаш да најдат работа штом пристигнат.
Просечниот приход од глава на жител во Албанија е 280 евра, а невработеноста е 18%. Земјата има и големи проблеми со корупцијата. Според написот во „Евроактив“, како резултат на сето тоа добро образованите луѓе од средната класа, почнале да ја напуштаат исто така земјата.
Рекламите поставени од страна на Германската амбасада во Албанија, предупредуваат дека молбите на барателите на азил во Германија од економски причини, се одбиени.
Сиромаштијата, болестите или невработеноста не се признаваат како аргумент за пребарување на азил, а можностите за работа се нудат исклучително на признати академици или искусни работници во специфични сектори.
Слична кампања беше лансирана во февруари од Австрија во медиумите во Косово.
