Односно, поисплатливо му е да добива државна помош и повремено да работи „на црно“.
Вработен во транспортна компанија во Германија дал отказ на газдата затоа што смета дека не му вреди да работи додека ги прима приходите на граѓанинот (Bürgergeld).
Како што откри за медиумите шефот на компанијата, Хорст Котмајер, неговиот сега веќе поранешен вработен смета дека за него е поисплатливо да го прими Бургергелд и да работи „на црно“.
Котмајер смета дека оваа практика би можела да зачести, пренесува списанието Феникс.
„Работникот е во средината на 30-тите години и рече дека би можел да заработи повеќе ако работи на црно и живее од државна помош, или Бургергелд“, вели Котмајер во интервју за Билд.
Поранешниот вработен во фирмата бил девет месеци и заработувал по 14 евра од час како магационер. Според Котмајер, тоа е почетната плата на компанијата. На корисниците на Бургергелд, пак, им се исплаќаат 502 евра месечно, а покрај нив се плаќаат и трошоците за кирија и греење.
Котмајер, кој е трета генерација на чело на компанијата и моментално вработува 350 луѓе, стравува дека на неговиот поранешен вработен може да му се придружат и други колеги.
„Сè уште нема индикации дека другите работници би можеле да го направат истото како мојот поранешен работник, но опасноста е тука. Луѓето мислат дека не вреди да се работи за нив, ако оние што добиваат помош за нелегална работа имаат повеќе приходи од оние што се вработени“, вели Хорст Котмајер.
Следната година стапката на приход на граѓаните (Бургергелд) ќе се зголеми на 563 евра месечно. Многумина стравуваат дека Германија ќе стане општество каде што некои „одмараат, а други плаќаат за тоа работејќи“.
