Трошоците за живот во Германија се доста разумни во споредба со другите западноевропски земји, иако се високи во споредба со земјите од кои доаѓаме.
Животниот стандард во Германија, јавниот транспорт, здравствената заштита и образовниот систем се одлични, а сметките за купување во поголемите германски градови често се значително пониски отколку во другите големи европски градови.
Интересно е што цените на храната во Германија се во просек дури и пониски отколку во Македонија.
Германија е далеку над просекот во однос на квалитетот на животот и благосостојбата, според индексот за подобар живот на ОЕЦД.
На пример, над 75% од работоспособните луѓе во Германија имаат работа, а речиси 90% од луѓето имаат завршено средно образование. Просечниот животен век е 81 година, квалитетот на водата за пиење е натпросечен, а општеството наголемо се занимава со политика, па дури 76% од луѓето излегуваат на гласање!
Трошоците за живеење во Германија природно зависат од вашиот животен стил и од градот или областа на градот во кој живеете.
Трошоците за живот во Германија
Федералното биро за статистика објави податоци за 2020 година, расходите на домаќинствата во Германија во просек изнесуваат 2507 евра месечно, а Германците издвојуваат околу 37% од својот буџет за домување, енергија и одржување – 923 евра.
Во просек, треба да очекувате да платите помеѓу 7 и 12 евра за ручек во просечен бар, кафуле или ресторан или до 5 евра за сендвич или закуска во пекара. Шолја кафе чини околу 3 до 4 евра.
Други општи трошоци за споредба вклучуваат билети за кино од околу 10 евра до 15 евра, 200 – 400 евра за годишно членство во теретатна и во просек од 2,50 до 5 евра за пиво.
Животен стандард во Германија
Во истражувањето на Мерсер за квалитетот на животот, наидов на интересни податоци за Германија:
Во 2019 година (ново истражување не е објавено поради короната), седум германски градови се најдоа помеѓу првите 30, а тие се:
- Минхен (3.)
- Дизелдорф (6.)
- Франкфурт (7-ми)
- Берлин (13-ти)
- Хамбург (19.)
- Нирнберг (23.)
- Штутгарт (27.)
Минхен и Франкфурт се исто така рангирани на второто место во светската урбана инфраструктура (по Сингапур), со Дизелдорф на петтото место и Хамбург на деветтото место.
Трошоци за домување во Германија
Општите трошоци за живот во Германија се доста високи, но значително се разликуваат во зависност од видот на имотот што сте го избрале и областа во која живеете.
Купување имот во Германија
Цената за купување недвижен имот во Германија многу варира. Во последниве години, видовме брз пораст на цените на недвижнините во секој германски град.
Генерално, Баварија е многу поскапа, па истата куќа во Баварија чини и до три пати повеќе од соседните североисточни градови. На пример, во Минхен недвижниот имот сега чини дури 7647 евра за метар квадратен.
Изнајмување во Германија
Повеќето од нас имигрантите изнајмуваат во Германија. Кога барате станови за изнајмување, важно е да ја разберете терминологијата во огласите.
Доколку станот е огласен дека има четири соби, тоа значи дека ќе има две спални, дневна и трпезарија. Кујните, ходниците и бањите не се класифицирани како соби.
Најскапите германски градови за изнајмување се Минхен, Франкфурт, Берлин, Дизелдорф и Хамбург.
Најниските трошоци за домување во Германија се Бремен и Лајпциг. Во табелата подолу ја имате просечната цена на метар квадратен стан, а во втората колона просечната цена за изнајмување стан од 120 метри квадратни (просечно за четиричлено семејство):
| ГРАД | ПРОДАЖНА ЦЕНА ЗА КВАДРАТ | ПРОСЕЧНА КИРИЈА (120 КВАДРАТИ) |
|---|---|---|
| München | 7674 € | 2280 € |
| Frankfurt | 5187 € | 1920 € |
| Stuttgart | 4591 € | 1800 € |
| Berlin | 4340 € | 1800 € |
| Nürnberg | 3531 € | 1560 € |
Трошоците за изнајмување се плаќаат секој месец. Трошоците за комунални услуги, телевизија, интернет и отстранување на отпад обично се наплаќаат одделно.
Комунални трошоци во Германија
Можете да ги пресметате комуналните трошоци по цена од 2,50 € за метар квадратен. Просечниот месечен трошок – вклучувајќи вода, гас, електрична енергија и отстранување на отпад – за стан од 90 квадратни метри е околу:
- Минхен или Франкфурт: 220 евра
- Дизелдорф: 210 евра
- Берлин: 245 евра
- Хамбург: 240 евра
- Келн: 200 евра
Како и во многу други делови на светот, комуналните сметки за гас и електрична енергија во Германија се менуваат поради преминот кон обновлива енергија.
Додека обновливите извори на енергија можат да ги намалат сметките за комунални услуги, зелените даноци може да значат дека на крајот ќе плаќате повеќе.
Повеќе за оваа тема можете да најдете во текстот:
Дополнително, месечниот интернет во Германија е околу 30-40 евра, во зависност од пакетот што ќе го изберете. Давателите на услуги вклучуваат и фиксна мрежна такса.
Дополнителен трошок за живот во Германија е задолжителната претплата за германска телевизија и радио – тоа е убавото писмо кое го добивате од ZDF / ARD.
Трошоците за јавен превоз во Германија
Јавниот превоз во Германија е со исклучително висок стандард и има разумни цени во споредба со транспортните системи на друго место во Европа, што може да помогне дополнително да се намалат трошоците за живот во Германија.
Цените се движат од 60 до 90 евра месечно, во зависност од градот во Германија. Во просек, билетот во еден правец чини 2,70 € – 4 €, во зависност од бројот на опфатени зони.
IС возовите понекогаш имаат специјални понуди. Ако патувате на работа, можете да купите BahnCard по намалени цени. BahnCard може да ја користите и во автобуси.
Автобусите се малку поевтини, но цените зависат од растојанието што го патувате. Како и повеќето земји, автобуски билети купувате во автобусот, а ако месечна карта за патување таа го покирава и возењето со автобус.
Системот на јавен превоз е добро уреден. Патниците без валидни билети ќе бидат казнети од 40 до 60 евра.
Да се поседува автомобил во Германија е поскапо. За поголемите градови не е толку исплатливо да се има автомобил (според мене), бидејќи јавниот превоз е многу брз и ефикасен. Доколку размислувате да купите автомобил, задолжително прочитајте го текстот:
Како да купите автомобил во Германија
Цените на горивата во Германија го следат европскиот просек, а повисок квалитет на живот значи помали трошоци за гориво.
Цените на таксито започнуваат од околу 3,20 до 3,60 евра, но многу варираат помеѓу градовите.
Трошоци за студирање во Германија
Во Германија има многу универзитети кои се рангирани на светските листи за најдобри универзитети. Студирањето во Германија е бесплатно на некои универзитети, што ја зголемува репутацијата на земјата како фокусна точка.
Има и добар стандард на германско образование. Државните училишта во Германија не се плаќаат и се добра опција за иселениците со помали деца доколку успеат доволно брзо да го научат јазикот.
Трошоци за градинка во Германија
Германија може да се пофали со одличен систем за згрижување деца, а некои градови нудат субвенции за градинки (повеќе во поранешна Источна Германија, иако тоа е сè почеста појава на Запад).
Повеќето државни центри за згрижување деца чинат во просек од 250 до 400 евра месечно, додека приватните центри се движат помеѓу 600 и 900 евра.
Субвенционираните трошоци за детска грижа се засноваат на приход и може да се движат од 120 до 140 евра месечно за седум до девет часа дневно, што дополнително ги намалува трошоците за живот во Германија.
Можете да најдете и германски градинки кои нудат услуги по многу пониски цени за постарите деца.
На пример, бенефициите до четиригодишна возраст може во просек да изнесуваат повеќе од 200 евра месечно, во споредба со помалку од 100 евра за деца на возраст од пет години, бидејќи тоа е нивната последна година пред да тргнат на училиште.
Трошоците за здравствена заштита во Германија
Секој што живее во Германија е обврзан да земе основно германско здравствено осигурување. Цената варира во зависност од возраста, покриеноста и здравственото осигурување што го користите.
Основното осигурување за студентите се движи од околу 80 евра, а за работниците од 160 до 400 евра.
Иселениците вработени во фирма можат да се договорат да ја платат премијата за осигурување преку субвенционирана осигурителна компанија. Самовработените сами да си го плаќаат здравственото осигурување.
За возврат, жителите на Германија имаат пристап до субвенционирана или бесплатна здравствена заштита во Германија.
Повеќе за оваа тема и за тоа кое здравствено осигурување е најдобро, прочитајте во следниот текст:
Здравствено осигурување во Германија
Трошоци за намирници во Германија
Основната храна во Германија не е прескапа, иако супермаркетите како Реве и Едека се поскапи. Ако купувате во Лидл и Алди, можете да заштедите помеѓу 10 и 15%.
Секако интересно е да се забележи дека во Германија цената на основните намирници е уште поевтина отколку во Македонија!
Буџетот од околу 40-50 евра неделно по лице за основна храна е сосема доволен. А во многу големи градови има „наши“ продавници во кои сигурно ќе ја смирите носталгијата.
Трошоци за храна во Германија
Храната во Германија е пристапна, иако има безброј ресторани кои нудат храна од целиот свет.
Добар ручек чини помеѓу 5 и 11 €, додека вечера во стандарден ресторан може да чини помеѓу 10 и 20 € по лице. Со неколку пива ќе треба да платите дополнителни 10 – 20 евра.
Буџетот од 30 до 40 € по лице може да покрие пристоен оброк во убав ресторан. Не заборавајте да оставите бакшиш ако услугата била добра!
Даночни трошоци во Германија
Жителите во Германија плаќаат данок на доход (Einkommensteuer). Во одредени околности, мора да се платат и други даноци. Важно е да се знае дека дел од данокот на крајот на годината може да се поврати доколку се направи даночна пријава.
Прочитајте повеќе за оваа тема во текстот:
Брачните двојки се оданочуваат на заеднички приход. Данокот на доход во Германија е прогресивен и се зголемува од основната стапка од 14% на 43%. Во 2022 година .. првите 9.984 евра се ослободени од данок. Ова се нарекува Grundfreibetrag.
Прочитајте повеќе за даночните класи и како да ја промените даночната класа, во овој текст:
Трошоци за социјално осигурување и пензија во Германија
Системот за социјално и пензиско осигурување во Германија не е дел од даночниот систем, иако одбитоците главно се земаат директно од платите на вработените. Придонеси плаќате и вие и вашиот работодавец
Придонесите за социјално осигурување се високи и сочинуваат 40% од вашата плата. Сепак, тие ве покриваат за здравствено осигурување, нега, пензија и невработеност..
Социјалното осигурување е под вашето здравствено осигурување.
Одбитоците за невработеност одат директно во заводот за вработување, кој служи како многу добра поддршка во случај да ја изгубите работата. Прочитајте повеќе во текстот:
Што добиваме од заводот за вработување во Германија
А пензиите во Германија работат на принципот на меѓугенерациска солидарност, што значи дека вие сега плаќате за оние кои се во пензија, а исто така и другите за вас кога ќе остарите. Оваа тема е многу интересна за сите нас, особено што не интересира колку изнесува пензијата после 5 години стаж во Германија.
Затоа одговорив на тоа прашање во овој текст:
Пензиите во Германија – колку навистина е доволно?
Заклучок
Германија е многу добра земја. Законите се регулирани, работниците се заштитени, инфраструктурата е добра и чувството на задоволство е повисоко отколку во повеќето други европски земји.
Доколку планирате да дојдете во Германија (или веќе сте тука), на крајот ви оставам табела од Германското биро за статистика каде што можете да процените колку ви е доволно во Германија за добар живот.
| ТРОШОЦИ (2507 € ПРОСЕК) | ПРОСЕЧЕН МЕСЕЧЕН ТРОШОК НА ЕДНО ДОМАЌИНСТВО |
|---|---|
| храна, пијалок, тутун цигари | 387€ |
| облека и обувки | 93€ |
| кирија, комуналии, струја, парно | 923€ |
| преуредување, одржување на куќа / стан | 160€ |
| здравје | 107€ |
| превоз | 325 |
| поштенски и телекомуникациски услуги | 67€ |
| Рекреација, забава културата | 239€ |
| Образование | 15€ |
| Ресторани, хотели | 102€ |
| разни стоки и услуги | 89€ |
Се надевам дека овој текст ви даде јасен увид во тоа колку чини животот во Германија. Затоа ја направив оваа страница – да ги информирам луѓето за се што ги интересира.
Текстот е авторска сопственост и неговата содржина не смее да се превзема во целост или делови без претходна согласност од авторот или порталот Емигрико.
