Германија повеќе не е главна дестинација за барателите на азил во ЕУ и падна на четвртото место за прв пат од 2015 година во статистиката на блокот за барања за азил, објави весникот „Велт ам Зонтаг“.
Повикувајќи се на доверлив документ на Европската комисија, весникот наведува дека бројот на барања за азил во Германија се намалил за 23 проценти во споредба со истиот период минатата година и изнесува 28.922, пренесе „Срна“.
Како резултат на тоа, Германија го зазеде четвртото место во ЕУ, зад Франција, Шпанија и Италија.
Експертите го припишуваат падот на построгите гранични контроли на копнените граници на Германија, построгата миграциска политика на владата и намалувањето на приливот на бегалци од Сирија и Украина.
Прочитајте: МИНХЕН: Православните христијани излегоа на улица со икони и крстови – порака што одекна
Во исто време, авганистанските државјани остануваат најголемата група баратели на азил во Германија, сочинувајќи дури 38 проценти од сите барања.
Во мај 2025 година, германскиот министер за внатрешни работи Александар Добринт ја укина директивата од 2015 година со која им се дозволуваше на барателите на азил да влезат во Германија.
Според новата политика, мигрантите можат да бидат вратени на границата ако веќе поднеле барање за азил во други земји од ЕУ, иако исклучоци важат за ранливи групи како што се бремени жени и деца.
Најавено е и зголемување на бројот на федерални полицајци кои вршат гранични проверки.
