И покрај војната со Иран, германската економија на почетокот од годината пораснала нешто посилно од очекуваното. Според Федералниот завод за статистика, и приватната и државната потрошувачка, како и извозот, се зголемиле – барем привремено.
И покрај сите кризи, германската економија на почетокот од годината бележи благ раст, спротивно на очекувањата. Според прелиминарните податоци на Федералниот завод за статистика, бруто домашниот производ (БДП) пораснал за 0,3 проценти во првото тромесечје од оваа година во споредба со претходното тромесечје.
Иако станува збор за минимален раст, очекувањата биле значително пониски, не само поради иранско-ирачката војна.
Прочитајте: ЕУ се договори: Ќе се отвораат депортациски центри надвор од Европа
Според статистичарите, и приватната и државната потрошувачка биле нешто повисоки во првите три месеци од 2026 година отколку во последното тромесечје од 2025 година, кога германската економија пораснала за само 0,2 проценти, според новите пресметки.
Извозот исто така пораснал во првото тромесечје, покажуваат прелиминарните резултати.
Мрачни прогнози за остатокот од годината
Sebastian Wanke, економски експерт во развојната банка KfW, изјавил дека податоците покажуваат дека ова можела да биде силна година за германската економија.
Сега останува надежта дека Ормутскиот теснец наскоро повторно ќе биде отворен, „за растот да може да продолжи“.
Сепак, војната со Иран најверојатно ќе го забави очекуваниот раст.
Растечките цени на нафтата и горивата, проблемите во синџирите на снабдување и несигурните извозни пазари: германската економија, која зависи од увоз на суровини, силно ги чувствува последиците од конфликтот со Иран.
Економистите очекуваат дека Германија, која е зависна од увоз на енергија, уште долго ќе се справува со последиците од конфликтот на Блискиот Исток.
Повисоките цени на енергијата, особено на бензинските пумпи, дополнително ги оптоваруваат потрошувачите и компаниите, што ја намалува потрошувачката и инвестициите.
Пад на малопродажбата
Според извештајот на новинската агенција Reuters, германската малопродажба неочекувано паднала во март, што претставува најголем пад во последните три и пол години.
Прилагодено на инфлацијата, падот изнесувал два проценти – најголем пад од октомври 2022 година.
Дополнително, увозните цени – кои се сметаат за знак на растечка инфлација – пораснале за 3,6 проценти во март во споредба со претходниот месец, што е најголем раст од почетокот на руската инвазија врз Украина пред четири години.
