Според Сојузниот завод за статистика, речиси секое четврто дете во Германија е погодено од сиромаштија или социјална изолација, особено децата на самохрани родители. Пред зголемувањето на инфлацијата тоа беше секое петто дете, потсетува Дојче веле.
За ова прашање владејачките партии разговараат веќе неколку месеци. Зелените сакаа обемни реформи и повеќе пари за семејството, но либералите (ФДП), предводени од министерот за финансии Кристијан Линднер, беа против идејата.
Неговото објаснување беше: „По кризите во последните години, едноставно не останаа толку многу пари во буџетот“.
Дополнително, ФДП го застапува принципиелниот став дека проблемот со детската сиромаштија треба да се решава со поголемо вработување на родителите, а не со социјални надоместоци.
Либералите попуштија дури откако федералната министерка за семејство Лиза Паус (Зелените) го блокираше предлог-законот на министерот за финансии Линднер во владата.
Канцеларот Олаф Шолц мораше да изврши голем притисок на двете страни – да се најде компромис, кој сега изгледа вака:
Затоа критичарите тврдат дека тоа е само „козметичка промена“ и дека сиромашните родители нема да добијат многу повеќе за своите деца од она што веќе го добиваат.
Паус, пак, посочува дека со оваа реформа исплатите на сиромашните семејства ќе бидат „побрзи, поедноставни и подиректни“.
Како треба да изгледа новата такса?
Во Германија постојат повеќе форми на парична помош за семејствата, кои се доделуваат по различни основи: детски додаток, дополнителен детски додаток за сиромашни семејства, социјална помош и други. Но, често е премногу комплицирано за луѓето на кои им е потребна помош.
Од 2025 година додатокот за обезбедување на основните потреби на детето треба да ги обедини сите државни давања за децата. Ова треба да овозможи да се добие потребната помош дури и за оние кои досега не го побарале она што е законски нивно, бидејќи – или не знаат кои се нивните права или бирократските пречки им се преголеми.
Овој детски додаток треба да се состои од два дела:
- од гарантираниот износ што го добива секое дете
- дополнителна сума
Наместо тековниот детски додаток треба да се плати првиот гарантиран износ. Значи, што се однесува до детскиот додаток на кој има право секое дете, дури и оние од најбогатите семејства, промената е само формална.
Она што навистина се менува е дополнителниот додаток за сиромашните семејства. Неговата количина треба да зависи од потребите. Целта, наведена во коалицискиот договор на германската федерална влада, е „сите деца и млади луѓе да имаат корист и да можат да ги остварат своите права без бирократски пречки“.
Ќе има ли повеќе пари за семејствата, но и за децата?
Планирани се 2,4 милијарди евра за обединување на сегашните форми на државна помош во една, како и за административните трошоци предизвикани од неа. Засега нема најави за можно зголемување на висината на самата такса.
Но, по новото пресметување на социокултурниот егзистенцијален минимум веројатно ќе има зголемување, кое прецизно ќе го пресмета Федералниот завод за статистика. Сепак, министерот за финансии Кристијан Линднер веќе нагласи дека нема да има генерално зголемување на бенефициите, бидејќи тој пред се сака „да даде стимулации за засновање работен однос“.
И иако оваа реформа веројатно нема да донесе конкретни финансиски подобрувања за децата од сиромашни семејства, позитивно е што остварувањето на сите права на бенефиции повеќе нема да зависи од способноста и образованието на родителите.
Имено, кога родителот поднесува барање да добие единствен надоместок, државата е таа што ќе треба да се погрижи детето да добие се што законски му следува. Засега не може да се каже колку од предвидените 2,4 милијарди евра ќе бидат потрошени само за техничка реализација, а колку всушност ќе стигнат до децата на кои им е потребна помош.
Но, експертите веќе предвидуваат дека тоа нема да биде многу. Владата има намера да го достави предлог-законот во законодавна процедура до средината на септември.
Како да барате детски додаток?
Додатокот за детска поддршка треба да може да се бара преку Интернет. Ќе бидат задолжени т.н. „Семејна служба на Федералната агенција за труд“ (Familienservice der Bundesagentur für Arbeit).
Семејството ќе може на едно место, едноставно, да провери дали има право на дополнителен надомест за потребите на детето. Сепак, останува да се види дали тоа навистина ќе функционира во пракса. Остануваат уште само 16 месеци за реализација на овој огромен административен проект, а познато е дека дигитализацијата на германската администрација се уште е во зародиш, заклучува ДВ.
