Дали знаете кој е најтоплиот и најзелениот германски град?

Тој е истовремено најтоплиот и најзелениот град во Германија. Во 1975 граѓаните со голем протест ја прекинале планираната изградба на нуклеарен генератор во близина на полињата и оттогаш градот полека се претворил во пример за одржливост.

Од велосипедски патеки па сè до градини, градското собрание користи енергија добиена исклучиво од соларни панели и посветува посебно внимание на локално произведената храна. Со други зборови, овој студентски град ги нуди сите услови за квалитетен и здрав живот.

Целиот град е рај за велосипедистите поради присуството на велосипедски патеки долги 400 километри. Тие се протегаат и низ околните шуми и села. Велосипедите можат да се изнајмат преку апликација. Посебно занимлива е турата која минува покрај реката Драјзам, разноразните градини, паркот со скулптури, како и живописните улични мурали.

Доколку се одлучите да се возите со жичницата која патем се одликува со најдолгата патека во Германија, нема да зажалите. Нејзиното име Schauinslandbahn буквално означува „поглед кон внатрешноста“  – жичницата од врвот висок 1220 метри нуди преубав поглед на градот и околината, а свежиот воздух исполнет со мирис на борови дрвја е пријатен и релаксирачки.

Ваубан е пример за еколошка, одржлива населба. Тука нема автомобили, а местата за паркирање се заменети со зелени површини. Сите куќи се нискоенергетски и сите користат соларни панели. Продавниците и кафулињата изобилуваат со органски опции, а тука ќе најдете и работилници за решавање конфликти! Дали е тоа европска иднина или само утопија ќе покаже времето.

На сите им е добро познат фактот дека германското пиво е едно од најдобрите пива во светот. Тоа се должи на стар закон според кој за производство на пивото биле дозволени само четири состојки: хмељ, вода, квасец и слад. Најпознатите пивници во градот се Гантер и Фајерлинг чии рецепти за производство на пиво датираат дури од 18 век. Тие исто така организираат тури во кои им објаснуваат на посетителите како да ги искомбинираат историските рецепти со напредната технологија. Доколку го посетите овој град, не пропуштајте да го пробате и локалниот пијалак Weir кој е комбинација од пиво и вино.