Истражувањето на Џон Милер од Државниот универзитет во Конектикат, покажа дека нордиските нации можат да се сместат на врвот кога е во прашање нивната писменост. Широкиот спектар на весници и списанија, големиот број на јавни библиотеки, лесниот пристап до компјутери и интернет, како и одличниот образовен систем, беа клучни фактори поради кои овие народи можеме да ги прогласиме за најписмени нации во светот.
Финска, Норвешка, Исланд, Данска и Шведска се најдоа на првите пет места, а веднаш по нив следуваа Швајцарија, САД, Германија, Латвија и Холандија.
Одредени азиски земји како Сингапур, Јужна Кореја, Јапонија и Кина, би можеле да бидат на врвот доколку единствениот фактор за оценка се тестирањата во образовните установи. Сепак, овие земји потфрлија кога се во прашање јавните библиотеки и лесниот пристап до информации.
Од балканските земји, највисокото место го освои Бугарија (34), потоа следуваше Грција (40), Хрватска (44), Србија (49) и Албанија (54).
