Со своите прекрасни песочни плажи, чисти сини води и палмови дрвца, овој вештачки ресорт потсетува на сите оние спектакуларни и луксузни одморалишта кои ги огрева сонце, само што тука нема сонце.
Туристите овде се релаксираат во своите костими за капење, се лизгаат по тобоганите и се капат во водите, небаре е лето и уживаат во сончевите зраци.
Но, ништо не е онака како што изгледа во ресортот „Tropical Islands“.
Овој „ресорт“ е во суштина сместен во внатрешноста на поранешната воздухопловна база на Советскиот сојуз, во Краушник, Германија. Под куполата на советскиот хангар, се наоѓа прав тропски рај! Можеби ви изгледа како тука температурите да се високи, но надвор од хангарот, всушност паѓа снег. Колку е тоа неверојатно?!
Ресортот располага со базени, плажи, лагуна, авантуристички парк, дождовни шуми, тропско цвеќе, многу ресторани, вечерни шоу-забави и сауна. Низ ресортот може да се видат птици како фламинго и канаринци, слободно пуштени во лет.
За гостите постојат различни опции за нивниот престој, од основен до најлуксузен. Во цената за сместување се вклучени и вилите, а дури и шаторчиња за на плажа.
Овој простор дозволува капацитет од 6.000 посетители дневно, а во првата, 2004-та година од постоењето, ресортот привлекол 975.000 гости. Илјадници луѓе го посетуваат секојдневно, а во него работат околу 500 луѓе. Хангарот е 360 метри долг, 210 метри широк и 107 метри висок и е доволно голем за во него да ја собере Статуата на слободата.
За повеќе вакви и слични информации придружете ни се во нашата фејсбук група Македонци во Германија
