Доколку размислувавте да патувате преку Хрватска, треба да знаете и за новите правила кои стапија на сила, а се однесуваат на трансферот на стока преку оваа земја.
Има многу нејаснотии и нелогични одлуки, но тие мора да се почитуваат за да се избегнат казни, кои во некои случаи се многу ригорозни. Во оваа прилика „Вечерњи лист“ објави список на сите работи што смеете и не смеете да ги внесете во Република Хрватска.
Прво, треба да се напомене дека оваа листа се однесува на увоз на стоки од земји лоцирани надвор од ЕУ, со исклучок на Швајцарија, Исланд, Норвешка, Сан Марино, Андора и Лихтенштајн. Затоа, за овие последни наведени земји важат истите правила како да превезувате стока во ЕУ и нема никакви ограничувања.
За Фарските Острови и Гренланд важат некои други посебни правила, но за да не се искомплицира дополнително и онака долгата листа, тие две земји се изоставени од оваа листа.
Тутунски производи
Патниците со авион можат да донесат малку повеќе тутунски производи во Хрватска од оние кои патуваат со други видови на транспорт. Тие можат да внесат 200 цигари, 100 цигарилоси, 50 пури и 250 грама тутун за пушење.
Лицата кои патуваат по пат или железница можат да внесат 40 цигари, 20 цигарилоси, 10 пури и 50 грама тутун за пушење. Сите патници можат да внесат иста количина од 50 грама тутунски производ, 10 милилитри е-течност за електрични цигари и 50 грама т.н. на нови тутунски производи од член 94 став 2 од Законот за даноците.
Алкохолни пијалоци
Кога станува збор за алкохолни пијалоци, истите правила важат за патување со патен, воздушен и поморски превоз – секој смее да внесе 16 литри пиво, 4 литри вино и 2 литри алкохолни пијалоци кои имаат помалку од 22% алкохол, односно еден литар појаки алкохолни пијалоци. Доколку сакате да го платите данокот, можно е, под услов да имате над 17 години, да внесете 800 цигари, 400 цигарилоси, 200 пури, килограм тутун, 10 литри жестоки пијалоци, 90 литри вино, 110 литри пиво и 100 милилитри е-течност, а се што ги надминува овие ограничувања не можете ниту со плаќање.
Храна
Месо, риба, сирење, млеко, јајца и други производи од животинско и растително потекло. Царинските службеници вршат службени контроли на производи од животинско потекло кои се дел од личниот багаж на патникот, па воопшто не е дозволено внесување месо и млеко и месни и млечни производи.
Дозволено е внесување на 20 килограми свежа, сушена, варена, солена или чадена риба, ракчиња, ракови и школки по лице. Кога станува збор за други производи од животинско потекло, како мед, јајца, производи од јајца, месо од полжав или жаби, дозволено е внесување до 2 кг по лице. Може да внесете до 5 килограми свежо овошје и зеленчук, освен компири.
Други производи
Патниците од трети земји (на пр. Македонија, Србија, Црна Гора, Албанија…) можат да внесат во Хрватска до 2 килограми млеко во прав за новороденчиња и специјална храна што се користи од медицински причини и да внесат храна за домашни миленици што се користи од здравствени причини со услов да не треба да се чува во фрижидер пред да се отвори.
Без ограничување или во количина за лична употреба, сите патници можат да внесат во Хрватска леб, колачи, бисквити, вафли и наполитанки, двојно печен леб, тост леб и слични тост производи со помалку од 20% преработени млечни производи и производи од јајца кои се трајни – на собна температура.
Многу други производи може да се увезуваат без ограничување, како што се чоколади и слатки со помалку од 50 проценти преработени млечни производи и производи од јајца, додатоци на храна спакувани за крајниот потрошувач кои содржат помали количини (вкупно помалку од 20%) преработени производи од животинско потекло, полнети маслинки риба, тестенини, концентрати на супи и засилувачи на вкус.
Што се однесува до горивото, можете да пренесете до 10 литри гориво идентично на горивото во вашето возило во канистри, така што нема транспорт на дизел ако возите автомобил на бензин.
Лекови
Можно е да се носат готови лекови за лични потреби на патниците во количини потребни за лекување до еден месец (под услов да се одобрени од надлежните органи на земјата на производство) и со поседување на соодветна медицинска документација (копии од медицинска историја, уверение од лекар).
Внесувањето на лекови кои содржат опијати, за лични потреби на патниците, е можно во количина потребна за лекување до максимум 5 дена, а исто така и со поседување на медицинска документација, од која произлегува неопходноста од земање на соодветниот лек. Доколку сепак одлучите да се коцкате, знајте дека може да ве „удрат по џеб“ со казна која може да изнесува околу 13.000 евра
При одредување на висината на казната, важно е што и колку сте се обиделе да прошверцувате.
Текстот е авторска сопственост и неговата содржина не смее да се превзема во целост или делови без претходна согласност од авторот или порталот Емигрико.
За повеќе вакви и слични информации придружете ни се во нашата фејсбук група Македонци во Германија
