Следните германски институции имаат претставништва односно канцеларии во Република Македонија.
Гете-институт е културна институција на Сојузна Република Германија која својата дејност ја извршува низ целиот свет. Го афирмира учењето на германскиот јазик во странство и негува меѓународна културна соработка.
Германска академска служба за размена ( DAAD )
Канцеларијата на ДААД во Скопје Ви нуди информации околу стипендиската програма на ДААД.
Друштво за меѓународна соработка ( GIZ )
Билатералната развојна соработка почна во 1992 година. Денес, Друштвото за меѓународна соработка има 8 делегирани лица од Германија и 36 локални соработници, кои се активни во Република Македонија.
Делегацијата на германското стопанство во Република Македонија е основано во 2000 година во Скопје како Застапништво на Унијата на германските комори за индустрија и трговија (ДИХК) од Берлин.
Кредитна банка за обнова и развој ( KfW )
Финансиската билатерална соработка меѓу Германија и Република Македонија преку KfW почна во 1997 година. Денес, КфВ пред сé е активна во областите енергетика, комунална инфраструктура и одржлив развој на стопанството.
Фондацијата Конрад Аденауер (КАС) е германска политичка фондација. Со своите програми и проекти активно придонесува за меѓународната соработка и комуникација. Основните принципи на работата на Фондацијата “Конрад Аденауер” се слободата, правдата и солидарноста.
Фондацијата Фридрих Еберт (Friedrich-Ebert-Stiftung) – ФЕС е најстарата политичка фондација во Германија, со богата традиција во социјалдемократијата која датира уште од нејзиното основање во 1925 год.
Институт за меѓународна соработка на Германскиот сојуз на на работнички универзитети ( DVV )
DVV ја отвори својата прва канцеларија во Југоисточна Европа во 1998 година токму во Република Македонија. Институтот е важен партнер во врска со образованието на возрасни во земјата.
