Ако живееш и работиш во Германија и добиеш писмо од Finanzamt, првата реакција кај повеќето луѓе е паника.
„Дали должам пари?“
„Дали ќе ме казнат?“
„Дали е проблем ако не одговорам?“
ВАЖНО: Игнорирање на писмо од Finanzamt може да доведе до казни, блокирана сметка или дополнителни трошоци.
Во продолжение објаснуваме кои се најчестите писма, што значат и што точно треба да направите ако добиете
Прочитајте: Најчести грешки со даноци во Германија – овие грешки скапо се плаќаат
Писмо со Steuernummer (даночен број)
Ова е најбезопасното писмо.
Што значи:
– Finanzamt ти доделува даночен број
– Често го добиваш кога:
- почнуваш нова работа
- се селиш во друга општина
- поднесуваш прва даночна пријава
Што да направиш:
– Зачувај го писмото
– Steuernummer ќе ти треба за:
- даночна пријава
- комуникација со Finanzamt
- дополнителна работа (Nebenjob)
Не е казна. Не е проблем.
Прочитајте: Како легално да платиш помалку данок во Германија – што дозволува законот, а многумина не го користат
Nachzahlung – барање за доплата на данок
Ова писмо веќе е сериозно.
Што значи:
– По пресметка, државата утврдила дека си платил помалку данок
– Најчесто се јавува ако:
- имаш 2 работи
- имаш Minijob + Vollzeit
- си добивал боледување / Krankengeld
- имаш приходи од странство
Во писмото стои:
- точниот износ
- рок за плаќање
Ако НЕ платиш навреме:
- следуваат камати
- доаѓа опомена
- може да започне присилна наплата
Што можеш да направиш:
- да платиш
- или да побараш Ratenzahlung (плаќање на рати)
Erinnerung / Mahnung – опомена
Ова е ЦРВЕН АЛАРМ
Што значи:
– Finanzamt веќе те потсетил
– Не си одговорил или не си платил
Што следи ако повторно игнорираш:
- казни
- Zwangsgeld (присилна глоба)
- блокирање на банкарска сметка
- задржување на поврат на данок
Што да направиш ВЕДНАШ:
- јави се во Finanzamt
- објасни ја ситуацијата
- побарај рок или рати
Барање за документи (Nachweise)
Finanzamt може да побара:
- договор за работа
- платни листи
- доказ за кирија
- документи од странство
Ако не ги доставиш:
- ќе направат проценка против тебе
- обично значи повисок данок
Совет:
– Испрати ги документите во рок
– Ако не разбираш – побарај помош
Што НИКОГАШ да не правиш
Да го игнорираш писмото
Да мислиш „ќе помине само“
Да фрлиш писмо од Finanzamt
Во Германија, тишината значи проблем.
ЗАКЛУЧОК
Писмо од Finanzamt не мора да значи казна, но:
мора да се прочита
мора да се реагира
мора да се почитуваат роковите
Подобро е еден повик денес, отколку голем проблем утре.
Текстот е авторска сопственост и неговата содржина не смее да се превзема во целост или делови без претходна согласност од авторот или порталот Емигрико.
