Драгана искрено за животот во Швајцарија: Кога ќе ги платиш сите сметки, ништо не останува

За луѓето од нашиот регион, Швајцарија е ветена земја поради високиот стандард и добриот живот.

Таму се е беспрекорно чисто и уредно, корупцијата им е непозната, а секоја работа се цени и почитува. Но, има и други, помалку убави страни, познати само на луѓето што живеат таму.

Просечната плата во оваа земја е околу 4.000 швајцарски франци или околу 3.500 евра, а сумата варира од кантон до кантон.

Но, таа плата во оваа земја не е доволна за живот покрај сите трошоци.

Просечно домаќинство од два члена месечно троши околу 2.600 франци за даноци, социјално и здравствено осигурување. Уште 5.500 франци се трошат за храна, кирија, облека и превоз.

Драгана Марковиќ во Швајцарија е повеќе од 20 години, се населила во градот Монтре.

– На почетокот беше многу тешко, не знаев јазик, немав познати, но верував дека ќе успеам. Работев за минимална плата, а кога ќе ги платиш сите сметки не останува ништо – истакнува Драгана.

Апартманите во Швајцарија чинат меѓу 3.000 и 4.000 франци, а ако најдете сместување за 1.500 франци никогаш нема да го напуштите.

Невработеност во оваа држава речиси и нема, а според неодамнешни истражувања секој трет е милионер.

Во оваа земја сè работи како швајцарски часовник, но затоа сè се плаќа. За автобуски превоз до центарот на Монтреа и назад треба да платите околу 5 франци.

Во Швајцарија има закони кои сите ги почитуваат. На автопатот има бројни радари, а ако ја надминете дозволената брзина, на вашата адреса ќе стигне казна од неколку стотици франци.

Таа додава дека луѓето таму се отуѓени, зависта и љубомората се честа појава, а соседите речиси и не разговараат.

– Ние од Балканот сме навикнати да си живееме со соседите, но тука не е така. Ако случајно возите подобар автомобил или живеете во поголем стан од соседот, може да не ве поздрави на улица – истакнува таа.

– Овде се е регулирано и за секој прекршок има казна, затоа луѓето почитуваат се – додава Драгана.

– За десет вреќи за ѓубре треба да издвоите 30 франци, што воопшто не е малку. Исфрламе по неколку вреќи ѓубре дневно, а трошоците само растат – објаснува Драгана.

На луѓето од Балканот им е чудно што не смеат да засадат дрво во својот двор или да поставуваат помошна куќа каде што сакаат, прво треба да побараат дозвола од соседите.

Друг голем проблем е скапата храна и во продавниците најмногу се купува со попуст. Според неа, кризата почнала да се чувствува и во оваа земја.

-Ако веќе имаш работа, си „на коњ“, но ако треба да се вработиш, денес е малку потешко. И покрај сите лоши страни, оние што одат таму се враќаат дури кога ќе се пензионираат, некои ни тогаш.

-Сепак, Швајцарија е земја која нуди можности за подобар живот и бара од вас да се навикнете на ред и дисциплина.