Снежана Анокич Рогало е најобразованиот овчар во Хрватска. Таа е Магистер по право, зборува италијански и е професионален возач на А, Б, Ц и Д категорија. Сепак, со сопругот Дарко во последните неколку години се посветени на овците и својата фарма во Доброгошче, село со пет куќи и тринаесет жители, на десет километри од Чаглин.
„Јас можам да изберам каде да живеам и што ќе правам во животот. Сакам да уживам во природата и да бидам свој шеф” – вели Снежана.
Таа по завршувањето на војната како 19-годишно девојче дошла во Италија, додека семејството живеело во областа Ѓаково. Во годините кои следеле таа студирала на Правниот факултет во Осиек, и се запознава со нејзиниот иден сопруг.
Во Доброгошче, Снежана и Дарко имаат 27 хектари земјиште на кои пасат 300 овци и јагниња. Немаат проблеми со продажбата. Таа денес својата иднина ја гледа на фармата, во која заедно со нејзиниот сопруг имаат план и да ја прошират.
„Работата на фармата е физички потешка од правната работа или работата во училница, но мислам дека денес е тешко да се работи со луѓе. Тука и работното време може да се прилагоди, а јас особено уживам да бидам во природата. Се надевам дека луѓето ќе се вратат во селата и ќе бидеме во можност да вработиме и работници“ – вели Снежана за PrnjavorskiPortal.
За повеќе вакви и слични информации придружете ни се во нашата фејсбук група Македонци во Германија
