Во Германија е отворена необична позиција – сомелиер за канабис
Производителот на лекови со седиште во Келн – Cannamedical Pharma произведува медицински производи од канабис.
Во моментов, компанијата бара сомелиер за канабис за да го одржи квалитетот. Работата е целосно легална.
Работните задачи вклучуваат:
- евалуација на различни видови канабис врз основа на пропишани критериуми
- проценка на условите за растење
- едукативна работа од областа на медицинскиот коноп
Целта на компанијата е „на секој пациент да му обезбеди индивидуална терапија со највисок фармацевтски квалитет“, се вели во соопштението за печатот на Cannamedical.
Секој што мисли дека ова е нивната работа од соништата, прво треба да види кои се барањата за работа.
За да влезете во потесниот избор за оваа позиција, мора да сте пациент на кој му е дозволено да консумира канабис во Германија.
Само тогаш можете легално да консумирате канабис во Германија. Потребно е и одредено претходно знаење за канабисот.
Научна или земјоделска позадина, исто така, би можела да ви помогне. Во интервју за германските медиуми, претставници на компанијата објаснија дека е можно да се заработи и до 100.000 евра годишно.
Сепак, тоа зависи од квалификациите на лицето кое аплицира за работата. Досега на конкурсот се пријавиле повеќе од 100 заинтересирани.
За повеќе вакви и слични информации придружете ни се во нашата фејсбук група Македонци во Германија
