Малиот бизнис е основата на модерната економија во западниот свет.
Токму затоа ви носиме идеи за мал бизнис со малку пари. Можете да започнете сопствен бизнис со овие идеи кои се покажаа како успешни на локално ниво.
Сушара за овошје и зеленчук
Производството и преработката на храна е секогаш профитабилна и на пазарот секогаш има простор да прими секаква храна која понекогаш и воопшто не е добра, но на крајот секоја роба има свој купувач, па сигурно ќе успеете доколку се одлучите на овој чекор.
За оваа форма на преработка на храна потребно е да се има технолог кој стручно ќе го подготви целиот процес за сето тоа да биде здраво и легално, почнувајќи од откуп, преработка, пакување и продажба на овошје. Мора да ги почитувате санитарните услови за да немате проблеми со инспекциите.
Почетна инвестиција од 7.000 до 9.000 евра.
Производство на зеленчук во оранжерии
Ова е сериозна тема која може да ви даде одлична иднина доколку се посветите на овој бизнис.
Треба да добиете многу информации за културите кои најдобро даваат резултати во овие услови на одгледување, да се консултирате со експерти, да читате книги за култури, да го испитате пазарот и да се обидете однапред да обезбедите идна продажба.
После сето тоа, одлучете која култура ќе ја произведувате, во која количина и на кој начин. Добро е да имате долгорочен план за развој на овој бизнис, и детален план за одгледување на културата што ќе ја изберете.
Локацијата и земјиштето се многу важни бидејќи кога ќе го прегледате земјиштето на кое ќе садите, ќе добиете и препорака која култура е најдобра според составот на земјиштето.
Доколку почвата не е доволно добра за посакуваната култура, можете да ја збогатите со разни ѓубрива достапни на пазарот. Сериозен бизнис за сериозни луѓе.
Почетна инвестиција од најмалку 3000 евра и бескрајно.
Браварски занает
Овој тип на професија е сè уште актуелен, но мора да работите на себе за да ги следите трендовите, бидејќи светот се движи кон постепено елиминирање на обичните брави.
Сериозен бравар може да ја провали секоја шифра на сеф, може да отвори која било брава, нема никакви пречки за него. Но затоа може многу добро да ја наплати својата работа.
Интересна е приказната за еден бравар што ја “одрал” некоја банка за услуга затоа што го скршиле сефот, а потоа не можеле да го решат проблемот, па морале да повикаат стручњак од оваа професија, се разбира тој се согласил, но за многу пристојна цена.
Значи, да резимираме уште еднаш, секоја бизнис идеја бара дополнително истражување, многу време потрошено на едукација и, се разбира, акција.
Почетна инвестиција помала од 2000 евра.
Рачно изработен накит
Феноменална работа за понежниот пол, кои со својата креативност можат да направат мало чудо.
Постојат многу примери на вакви успешни бизниси во светот кои можат да бидат почетна точка, но уникатноста е секако клучна кога станува збор за изработка на накит од дома.
Пред да направите голема инвестиција, препорачливо е да се обидете да продадете неколку парчиња рачно изработен накит меѓу пријателите, роднините или онлајн на огласи.
Секако, во текот на развојот, најуспешен вид на продажба би бил преку онлајн продавница, дури и на меѓународно ниво.
За почеток, потребни ви се мали алатки за изработка на накит и разни материјали од мониста, врвки, кипчиња, токи, разни украсни делови и слично.
По одлуката за регистрација на фирмата за оваа дејност, потребно е да бидете многу детални во пресметките со делот на материјалот, бидејќи ќе треба да водите евиденција за трошоците.
Почетна инвестиција помала од 2000 евра.
Како да започнете онлајн продавница
Во принцип, речиси се може да се продаде преку интернет, од игла до локомотива, што би рекле луѓето.
Има сè поголем број продавници специјализирани за одредена област, како што се часовници, гуми и тркала, облека, накит, опрема за кујна, мебел, користени делови и многу повеќе други работи него што можете да замислите.
Се разбира, треба да се одлучите за одредена бранша за која ќе направите онлајн продавница и ќе купите стоки за продажба. Најважно за продавницата е да изгледа убаво на интернет и да е функционална.
Што се однесува до производите што ги продавате преку онлајн продавницата, тие мора да бидат претставени што е можно подетално и насликани што е можно поубаво за да привлечат клиенти.
Оваа бизнис идеја е една од 100-те бизнис идеи кои дефинитивно се иднината бидејќи светот се движи во насока на онлајн продажба и достава до дома.
Почетна инвестиција од 5000 – 9000 евра.
Работа како инструктор и предавач
Од појавата на интернетот, обучувачите, инструкторите и предавачите повеќе не мора да предаваат само со држење часови во училници, сали, приватно, туку можат да предаваат и онлајн или директно 1 на 1, или во поголема група или дури и со создавање и продавање специјалистички курс.
Секако, секој метод е многу профитабилен и може да донесе пристојна заработка, а се зависи од нивото на вашето знаење и нивото на вашата посветеност, како и колку вашето знаење ќе го пренесете на другите. Колку е поголема публиката, толку е поголема заработката.
Брендирајте се, работете малку на маркетинг и можете безброј пати да ги продавате своите вештини и да имате безброј учесници на вашиот курс, односно предавања, а сето тоа е уредно, убаво и законски наплатено со убав профит.
Бизнис идејата на онлајн инструкторите постојано се проширува, а конкуренцијата расте, така што колку побрзо започнете, толку побрзо ќе напредувате во тој бизнис.
Почетна инвестиција помала од 2000 евра.
Како да започнете студио за јога
Одлична идеја за оние кои сакаат да ги прават овие работи бидејќи исто како и фитнес тренинзите јогата зема замав и станува се попопуларна. Покрај позитивното влијание врз телото, јогата позитивно влијае и на умот и духот, а е многу пожелна доколку се применува со најдобра намера.
Како бизнис идеја е одлична затоа што лесно ќе најдете заинтересирани клиенти да посетуваат настава.
Има многу книги, курсеви и текстови за јогата од кои можете многу да научите и да се едуцирате сами да одржувате часови или ако тоа не ве интересира исто како и се друго, можете да најдете учители по јога со кои ќе имате деловен договор и започнување бизнис.
Локацијата на просторот не е толку важна, но важно е тој да биде адекватен, простран и погоден за голем број луѓе.
Почетна инвестиција помала од 2000 евра.
Текстот е авторска сопственост и неговата содржина не смее да се превзема во целост или делови без претходна согласност од авторот или порталот Емигрико.
