На 18 април 2026 година, во Минхен се одржа шестиот „Марш за живот“. Оваа година особено видливо беше учеството на православните христијани. Православни верници од различни јурисдикции дојдоа со икони, крстови и црковни знамиња. Православната младина од групата „Православни христијани за живот“ го организираше учеството на православните верници во оваа акција.
На настанот се обрати Епископот Штудгартски Јов од Руската задгранична Православна Црква. Тој го започна своето обраќање со зборовите: „Христос воскресе! Χριστός Ανέστη! Христос воскресе!“ Штутгартскиот епископ потсети дека христијаните сè уште се наоѓаат во пасхалниот период и ја слават победата на животот над смртта.
„Христос е Животот, и Тој ја победи смртта. Се надевам дека овој живот може да биде и мотото на нашиот денешен собир и дека ќе го одбележиме во Христовата светлина“ – истакна тој.
Прочитајте: Како да ги зачувате парите во време на криза: водич за дијаспората во несигурни времиња
Особено им се обрати на православните христијани кои дојдоа на собирот со икони, крстови и црковни знамиња. Им заблагодари што „ја исполнуваат својата граѓанска должност и отворено го покажуваат својот став“.
Според зборовите на епископот Јов, не станува збор само за политичка или општествена расправа. Станува збор за јавно сведочење дека животот е посилен од смртта и дека христијаните се повикани тоа сведоштво да го даваат и во јавниот простор.
На крајот од својот говор рече: „На сите ни посакувам денес Христовата светлина да оди пред нас“.
За повеќе вакви и слични информации придружете ни се во нашата фејсбук група Македонци во Германија
