Колку ќе ве чини ако го изгубите клучот од станот во Германија

Би сакал да ви објаснам што се случува ако случајно го изгубите клучот од станот, бидејќи тоа може да ве чини многу.

Повеќето од нас во Германија живееме во изнајмени станови. Токму затоа што изнајмуваме, мора да се осигураме дека ништо не е оштетено во станот, бидејќи сè ќе ни се одземе од депозитот – кауцијата.

Повикајте бравар

Ако живеете во стан каде што секогаш мора да го користите клучот за да влезете во станот тогаш може да се случи клучот да остане во вашиот стан додека сте надвор.

Ова е многу вознемирувачко, особено кога знаете дека ќе мора да повикате бравар (Schlüsseldienst). Имајте на ум дека вашиот бравар има цена од 50 до 150 евра, а цената е поголема ако случајно дојде тој навечер или за време на викендите.
Браварите главно ги лепат своите визит картички во влезовите и лифтовите во зградите, а лесно можете да ги најдете на интернет. Бидете сигурни да побарате фиксна цена за услугата, бидејќи има многу нечесни луѓе кои на крајот бараат астрономски суми кога ќе ви ја отворат вратата.

Ако сè уште не знаете германски добро, еве како да разговарате за мобилен телефон:

Ich habe den Schlüssel noch in der Wohnung, ich bin an der Adresse (ја кажувате точната адреса каде сте) Wie viel kostet es, die Tür zu öffnen? ?

Откако ќе ви се отвори вратата, од суштинско значење е да имате доказ дека живеете на адресата. Најдобро е да земете потврда за престој – Meldebescheinigung.

Понекогаш Hausratversicherung (осигурување за домаќинства) може да ги покрие трошоците за отворање на вратата, па затоа е важно да ја задржите сметката.

Замена на изгубените клучеви во Германија

Ако треба да замените клуч во Германија, тоа обично ве чини околу 5 евра по клуч.

Освен ако немате универзален клуч од зграда што тогаш чини околу 50 € за клуч. И не само што е скапо, туку и копирањето на тој клуч е процес сам по себе.

Првото нешто што треба да направите за да копирате таков клуч е да побарате од лицето кое ја одржува зградата или станот во кој живеете (тие се нарекуваат Hausverwaltung) да го одобри копирањето.

За да го одобрите копирањето на клучот, важно е да добиете Schlüsselkarte или Schließplan од нив, и само кога ќе му го предадете на браварот можете да очекувате тој да го замени клучот, во никој друг случај не смее да направи друг клуч.

Алтернативно, сопственикот на станот може да ви донесе нов клуч и да наплати за тоа – како што ми се случи мене (за среќа сопственикот е целосно опуштен и се согласивме дека нема да има последици).

Дали треба да платиме за замена на бравите во зградата / станот?

Зависи како сте останале без клучеви.

Кога ќе се иселите од стан и треба да ги предадете клучевите и ви недостасуваат некои, тоа може да ве чини многу. Обично ви ги земаат парите од кауцијата.

Сопственикот на станот исто така може да побара да ги замените бравите на целата зграда, бидејќи сте го изгубиле универзалниот клуч.

Ако ви ги украдат клучевите – не сте вие ​​виновни, па сопственикот не може да ви наплати за тоа.

Ако ги изгубивте – зависи од вас каде ги изгубивте. Ако некој ги најде клучевите и не може да знае каде живеете, ништо не може да се случи. Ако клучевите ви паднат во езеро / река, исто не може ништо да се случи.

Ако случајно некој ги најде вашите клучеви и може да открие каде живеете (ако случајно ја ставите адресата на копчињата), тогаш треба да платите за промена на бравите.

Имајте на ум дека договор договорот за стснот не може да ве обврзи да платите за да ја смените бравата, а сопственикот во никој случај не може да ви земи пари за да ги смени, а да не ги смени.

Уште неколку совети

Ако клучевите ви се украдени или изгубени некаде – секогаш постои можност да ги најдете. Станиците имаат свои Fundbüro во случај да го изгубите клучот некаде на станица или на воз.

Аеродромите исто така имаат изгубено – најдено канцеларии, како и канцелариите на Фликсбус, на пример.

Слично на тоа, скоро секој град има своја канцеларија за изгубено – најдено и се нарекува Fundbüro.

Осигурување како Haftpflichtversicherung е многу паметно да се има во Германија, особено кога зборуваме за оваа тема. Имајте на ум дека промените на бравите може да чинат до 1.000 евра, а ако осигурувањето може да ги покрие, тогаш зошто да ризикувате, особено кога повеќето осигурувања чинат помалку од 5 евра месечно.

Исто така, Hausratversicherung може да ги покрие трошоците за отворање на вашата врата, и има и други придобивки кои се секако важни за вас.

Текстот е авторска сопственост и неговата содржина не смее да се превзема во целост или делови без претходна согласност од авторот или порталот Емигрико.

За повеќе вакви и слични информации придружете ни се во нашата фејсбук група Македонци во Германија